സ്വയം വിമാനങ്ങള്‍ നിര്‍മ്മിച്ച് പറപ്പിച്ച ഭിന്നശേഷിക്കാരനായ തൊടുപുഴക്കാരന്‍ സജി തോമസ് ആയി പൃഥ്വിരാജ് അഭിനയിക്കുന്നു. ചിത്രം സംവിധാനം ചെയ്യുന്നത് പ്രദീപ് എം നായര്‍. ‘വിമാനം’ എന്നാണ് ചിത്രത്തിന് പേരിട്ടിരിക്കുന്നത്. ഓഗസ്റ്റ് സിനിമ നിര്‍മ്മിക്കുന്ന ഈ സിനിമയുടെ ഷൂട്ടിംഗ് ഉടന്‍ ആരംഭിക്കാനാണ് പദ്ധതി. ‘ആടുജീവിതം’ എന്ന ബ്രഹ്മാണ്ഡപ്രൊജക്ട് അടുത്ത ജനുവരിയോടെ തുടങ്ങേണ്ടതിനാല്‍ അതിനുമുമ്പ് വിമാനം ആരംഭിക്കാനാണ് പൃഥ്വി പദ്ധതിയിട്ടിരിക്കുന്നത്.
