ആറാം തമ്പുരാന്‍ എന്ന മെഗാഹിറ്റ് ചിത്രത്തിന് ശേഷം ഷാജി കൈലാസ് സംവിധാനം ചെയ്ത ചിത്രമായിരുന്നു ദി ട്രൂത്ത്. ആറാം തമ്പുരാന്‍റെ മഹാവിജയത്തിന്‍റെ പശ്ചാത്തലത്തില്‍ അതിന്‍റെ കെട്ടും മട്ടും ഭാവങ്ങളുമെല്ലാം എടുത്തുപയോഗിച്ച് ചെയ്ത ചിത്രമല്ല ട്രൂത്ത്. നല്ല കഥയും സൂപ്പര്‍ ട്രീറ്റുമെന്‍റുമുള്ള ഒരു സ്റ്റൈലന്‍ ത്രില്ലറായിരുന്നു അത്.
ഒരു മുഖ്യമന്ത്രിയുടെ കൊലപാതകമാണ് ഭരത് പട്ടേരി(മമ്മൂട്ടി) എന്ന സ്പെഷ്യല്‍ ഇന്‍‌വെസ്റ്റിഗേഷന്‍ ടീം ഓഫീസര്‍ അന്വേഷിക്കുന്നത്. അന്വേഷണത്തിനൊടുവില്‍ അയാള്‍ മനസിലാക്കുന്നു, കൊലയാളിയുടെ യഥാര്‍ത്ഥ ലക്‍ഷ്യം മുഖ്യമന്ത്രി ആയിരുന്നില്ല എന്ന്. 1998 മാര്‍ച്ച് 19ന് റിലീസായ ചിത്രം ഒരു നിശബ്ദവിജയമായിരുന്നു.
