ജീവിക്കാന്‍ മറ്റൊരാളുടെ സഹായവും സംരക്ഷണവും ആവശ്യമാകുന്ന ഒരു അവസ്ഥ ഉണ്ടാകുകയാണെങ്കില്‍ താന്‍ ആത്മഹത്യ ചെയ്യുമെന്ന് വിഖ്യാത സംവിധായകന്‍ രാം ഗോപാല്‍ വര്‍മ. വിവാദങ്ങള്‍ക്ക് പിന്നാലെ വിവാദങ്ങള്‍ സൃഷ്ടിക്കുന്ന പ്രസ്താവനകള്‍ നിരന്തരം നടത്തുന്ന ആര്‍ ജി വി ഇത്തവണ മരണത്തെക്കുറിച്ചുള്ള തന്‍റെ നിലപാടാണ് വ്യക്തമാക്കിയിരിക്കുന്നത്.
തന്‍റെ ചിന്തകള്‍ മറ്റുള്ളവരെ അറിയിക്കാന്‍ കഴിയാത്ത ഒരു ദിവസമെത്തിയാല്‍, മറ്റുള്ളവര്‍ തന്നെ മനസിലാക്കാന്‍ കഴിയാത്ത ഒരു സാഹചര്യം വന്നാല്‍, താന്‍ ജീവിതം അവസാനിപ്പിക്കും എന്നാണ് രാം ഗോപാല്‍ വര്‍മ പറഞ്ഞിരിക്കുന്നത്. അസുഖം മൂലം കിടപ്പിലാകുന്ന അവസ്ഥയെയും മറ്റൊരാളുടെ സുശ്രൂഷയില്‍ കഴിയേണ്ടിവരുന്നതിനെയും താന്‍ വെറുക്കുന്നു എന്നും ആര്‍ ജി വി പറയുന്നു.
