മമ്മൂട്ടിയുടെ ‘കര്‍ണന്‍’ വരും. അക്കാര്യം ഉറപ്പാണ്. മധുപാല്‍ സംവിധാനം ചെയ്യുന്ന ചിത്രം 2017ല്‍ ആരംഭിക്കും. ഒരു ചെറിയ കോമഡിപ്പടം ചെയ്യുന്നതുപോലെ ചെയ്യാന്‍ പറ്റിയ സബ്‌ജക്ടല്ല കര്‍ണന്‍റേത്. ആ സിനിമയ്ക്ക് വിശാലമായ ഗവേഷണവും പ്രീ പ്രൊഡക്ഷനുമെല്ലാം ആവശ്യമുണ്ട്. ചിത്രീകരണം ആരംഭിക്കുന്നതിനുമുമ്പും ചിത്രീകരണ സമയത്തും ആവശ്യമായ സമയം ചെലവഴിച്ചാണ് അത്തരം പ്രൊജക്ടുകള്‍ ചെയ്യേണ്ടത്.
തലപ്പാവ്, ഒഴിമുറി തുടങ്ങിയ ഗംഭീര സിനിമകളുടെ സംവിധായകനാണ് മധുപാല്‍. അദ്ദേഹം കര്‍ണന്‍ പോലെ ഒരു സബ്ജക്ട് ചെയ്യുമ്പോള്‍ എത്രമാത്രം പെര്‍ഫെക്ഷനോടെ അതിനെ സമീപിക്കും എന്ന് പറയേണ്ടതില്ലല്ലോ. പി ശ്രീകുമാര്‍ 18 വര്‍ഷമെടുത്ത് തയ്യാറാക്കിയ തിരക്കഥയാണ് കര്‍ണന്‍റേത്.
