കൊച്ചിയില്‍ നടി ആക്രമിക്കപ്പെട്ട സംഭവത്തില്‍ നടിയുടെ പേര് പറഞ്ഞതുമായി ബന്ധപ്പെട്ട് നടന്‍ അജു വര്‍ഗീസിനെതിരെ നിയമനടപടികള്‍ സ്വീകരിച്ചു വരികയാണ്. ഈ കേസില്‍ നടന്‍ ദിലീപിന്റെ പേര് ഉയര്‍ന്നു വന്ന വേളയിലയിരുന്നു അജു ഫേസ്ബുക്കിലൂടെ ദിലീപിന് പിന്തുണയുമായി എത്തിയത്. എന്നാല്‍ ആ പോസ്റ്റില്‍ അക്രമണത്തിന് ഇരയായ നടിയുടെ പേര് അജു വെളിപ്പെടുത്തിയിരുന്നു. തുടര്‍ന്ന് ഗിരീഷ് ബാബു എന്ന വ്യക്തിയാണ് അജു വര്‍ഗീസിനെതിരെ പരാതി നല്‍കിയത്. സംഭവത്തില്‍ പൊലീസ് അജുവിന്റെ മൊഴി എടുക്കുകയും ഫോണ്‍ കസ്റ്റഡിയിലെടുക്കുകയും ചെയ്തിരുന്നു. ഈ സംഭവത്തില്‍ തന്റെ അഭിപ്രായം ഫേസ്‌ബുക്ക് പോസ്റ്റിലൂടെ വ്യക്തമാക്കുകയാണ് നടന്‍ കിഷോര്‍ സത്യ. പരാതി നല്‍കിയ ഗിരീഷ് കുമാറിനുള്ള വിശദീകരണമാണ് താരം നല്‍കിയിട്ടുള്ളത്.
