'നിങ്ങൾ കാട്ടിയ മനുഷ്യത്വത്തിന് മുന്നിൽ തലകുനിയ്ക്കുന്നു', മലപ്പുറത്തെ ജനതയോട് കടപ്പെട്ടിരിയ്ക്കുന്നു എന്ന് എയർ ഇന്ത്യ

കനത്ത മഴയും കൊവിഡ് മഹാമാരിയും വകവയ്ക്കാതെ രക്ഷാ ദൗത്യത്തിനിറങ്ങിയ മലപ്പുറത്തുകാർക്ക് എയർ ഇന്ത്യയുടെ ആദരം. സ്വന്തം ജീവൻ വകവയ്ക്കാതെ അപകടത്തിൽപ്പെട്ടവരെ ജീവിതത്തിലേക്കെത്തിച്ച മലപൂറത്തുകാർക്ക് മുന്നിൽ തലകുനിയ്ക്കുന്നു എന്ന് എയർ ഇന്ത്യ എക്സ്‌പ്രെസ് ട്വീറ്റ് ചെയ്തു.  

'അപ്രതീക്ഷിതമായ സാഹചര്യത്തില്‍ ദയയും മനുഷ്യത്വവും കാണിച്ച മലപ്പുറത്തെ ജനതയ്ക്ക് ഞങ്ങളുടെ ആദരം അര്‍പ്പിക്കുന്നു. ഞങ്ങള്‍ നിങ്ങളോട് കടപ്പെട്ടിരിക്കുകയാണ്. അത് മനോബലം മാത്രമല്ല, ജീവന്‍ രക്ഷിക്കുവാനുള്ള മനുഷ്യത്വത്തിന്റെ സ്പര്‍ശം കൂടിയാണ്. സ്വന്തം ജീവന്‍ പണയംവച്ച്‌ നിരവധി ജീവനുകള്‍ രക്ഷപ്പെടുത്തിയ മലപ്പുറത്തെ ജനങ്ങള്‍ക്ക് മുന്നില്‍ ഞങ്ങള്‍ തലകുനിക്കുന്നു. എയർ ഇന്ത്യ എക്സ്‌പ്രസ് ട്വിറ്ററിൽ കുറിച്ചു. 

Taking a bow to HUMANITY!

A standing ovation from our hearts to the PEOPLE OF MALAPPURAM, Kerala, who had showered us with kindness & humanity during the uncertain incident. We owe you a lot! #ExpressGratitude pic.twitter.com/EIH8ky6xZ3

— Air India Express (@FlyWithIX) August 9, 2020