എല്ലാ ചര്‍ച്ചകളും മീറ്റിംഗുകളും ഓഫീസില്‍ തന്നെ നടത്തുന്നതാണ് അമിത് ഷായുടെ രീതി. ഒരു മിനിറ്റ് പോലും വെറുതെ കളയാതെ പരമാവധി ക്രിയാത്മകമായി ഓഫീസ് ചലിക്കുകയാണ്. ഉച്ചയൂണിന് വസതിയില്‍ പോകുന്നതായിരുന്നു മുന്‍ ആഭ്യന്തരമന്ത്രി രാജ്നാഥ് സിംഗിന്‍റെ രീതിയെങ്കില്‍ ഓഫീസിലേക്ക് ഉച്ചഭക്ഷണം എത്തിച്ച് കഴിക്കുന്നതാണ് അമിത് ഷായുടെ ശൈലി.
രാജ്യത്തെ എല്ലാ സംസ്ഥാനങ്ങളിലെ പൊലീസ് മേധാവിമാരുമായും അമിത് ഷാ ആശയവിനിമയം നടത്തിക്കൊണ്ടിരിക്കുകയാണെന്നാണ് സൂചന. പലരും നേരില്‍ കാണാന്‍ ഡല്‍ഹിയിലെത്തിയിട്ടുണ്ട്. തന്‍റെ മന്ത്രാലയത്തിലെ 19 ഡിപ്പാര്‍ട്ടുമെന്‍റുകളിലെ മേധാവിമാരോട് അവിടെ നടക്കുന്ന പ്രവര്‍ത്തനങ്ങളുടെ പ്രസന്‍റേഷന്‍ തയ്യാറാക്കാന്‍ അമിത് ഷാ ആവശ്യപ്പെട്ടിട്ടുണ്ട്.
