സ്‌കൂൾ വിദ്യാർത്ഥിയെ പീഡിപ്പിക്കാൻ ശ്രമിച്ച 60 കാരൻ അറസ്റ്റിൽ

ഞായര്‍, 26 ഫെബ്രുവരി 2023 (14:11 IST)
മലപ്പുറം: സ്‌കൂൾ ബസ് കാത്തുനിൽക്കുമ്പോൾ പരിചയം ഭാവിച്ചു വിദ്യാർത്ഥിയെ പീഡിപ്പിക്കാൻ ശ്രമിച്ചു എന്ന പരാതിയിൽ അറുപതുകാരനെ പോലീസ് അറസ്റ്റ് ചെയ്തു. നിലമ്പൂർ മമ്പാട് സ്വദേശി രാധാകൃഷ്ണനെയാണ് നിലമ്പൂർ ഇൻസ്‌പെക്ടർ പി.വിഷ്ണു അറസ്റ്റ് ചെയ്തത്.
 
സംഭവം അറിഞ്ഞു സ്ഥലവാസി കാര്യം തിരക്കി എത്തിയപ്പോൾ പ്രതി ഓടിരക്ഷപ്പെട്ടു. പോലീസ് കുട്ടിയുടെ വീട്ടിലെത്തി മൊഴി രേഖപ്പെടുത്തി കേസെടുത്തു. ഊട്ടി, കോയമ്പത്തൂർ തുടങ്ങിയ സ്ഥലങ്ങളിലായി പ്രതി ഒളിവിൽ പോയിരുന്നു. എന്നാൽ അടുത്തിടെ ഇയാളുടെ വടക്കൻ പറവൂരിലെ ബന്ധുവീട്ടിൽ എത്തിയപ്പോൾ പിടികൂടി. അറസ്റ്റിലായ പ്രതിയെ കോടതി റിമാൻഡ് ചെയ്തു.  
 

വെബ്ദുനിയ വായിക്കുക

അനുബന്ധ വാര്‍ത്തകള്‍