അത് അപ്രതീക്ഷിതമായിരുന്നില്ല. ടോസ് നേടി ബാറ്റിംഗ് തെരഞ്ഞെടുത്ത ദക്ഷിണാഫ്രിക്കയുടെ ആദ്യ രണ്ടുവിക്കറ്റുകള്‍ പെട്ടെന്നുതന്നെ വീണു. ഓപ്പണര്‍മാരായ ഹാഷിം അം‌ലയ്ക്കും ക്വിന്‍റണ്‍ ഡികോക്കിനും നിലയുറപ്പിക്കാന്‍ അവസരം ലഭിച്ചില്ല. അതിന് മുമ്പ് ഇന്ത്യയുടെ പേസ് മെഷീന്‍ ജസ്പ്രീത് ബൂമ്ര ഒരു വെള്ളിടിയായി മാറി. അം‌ല ആറ് റണ്‍സും ഡികോക്ക് 10 റണ്‍സും എടുത്ത് പുറത്തായി.
അതിമാരകമായാണ് ബൂമ്ര പന്തെറിഞ്ഞുകൊണ്ടിരിക്കുന്നത്. ബൂമ്രയുടെ പത്ത് ഓവറുകളെ നേരിട്ട് പിടിച്ചുനില്‍ക്കാന്‍ കഴിയുന്നതിനെ, അതിജീവിക്കാന്‍ കഴിയുന്നതിനെ ആശ്രയിച്ചായിരിക്കും ദക്ഷിണാഫ്രിക്കയുടെ ഈ കളിയിലെ സാധ്യതകള്‍.
