2020ലെ ഐപിഎൽ സീസൺ ധോനിയുടെ അവസാന സീസൺ ആയിരിക്കുമെന്ന് നേരത്തെ അഭ്യൂഹങ്ങൾ ഉയർന്നിരുന്നു. എന്നാൽ സീസണിലെ ചെന്നൈയുടെ അവസാന മത്സരത്തിൽ ഇത് തന്റെ അവസാന മത്സരമല്ലെന്ന് ധോനി വ്യക്തമാക്കി. ഇതോടെ ഈ വർഷം ധോനി ഐപിഎൽ ഉപേക്ഷിക്കുമെന്ന അഭൂഹങ്ങൾ ശക്തമാവുകയായിരുന്നു. കഴിഞ്ഞ സീസണിൽ മികവ് പുലർത്താനാവാത്ത താരം ഇത്തവണയും പരാജയപ്പെടുകയാണെങ്കിൽ ധോനിക്ക് മുകളിലുള്ള സമ്മർദ്ദം കൂടുതൽ ശക്തമാകും.
