രമേഷ് ആന്റ് സുരേഷ്! - ചെന്നൈ സൂപ്പർ കിങ്സിന് അടിപതറിയോ?

ചെന്നൈ സൂപ്പർ കിങ്സ് ക്രിക്കറ്റ് ദൈവം സച്ചിന്റെ പിതാവ് രമേശ് ടെൻഡുൽക്കറെ അപമാനിച്ചുവെന്ന് സോഷ്യൽ മീഡിയ. ഒരു ഫോട്ടോയും അടിക്കുറും മാത്രം മതി ഒരു പോസ്റ്റ് വിവാദമാകാനെന്ന് തിരിച്ചറിഞ്ഞിരിക്കുകയാണ് ചെന്നൈ സൂപ്പർ കിങ്സ്. 

ആരാധകരെ ചിരിപ്പിക്കാന്‍ ശ്രമിച്ചതായി ടീം. പക്ഷേ, ഇത് വിവാദത്തിലേക്കാണ് നയിച്ചത്. സച്ചിനും സുരേഷ് റെയ്‌നയും ഒരുമിച്ച് നടക്കുന്ന ചിത്രവും ക്യാപ്ഷനുമാണ് വിവാദത്തിനു കാരണമായത്. സ്വകാര്യ ചോക്ലേറ്റ് കമ്പനിയുടെ പ്രശസ്തമായ പരസ്യത്തിലെ കഥാപാത്രങ്ങളുടെ പേരായിരുന്നു ക്യാപ്ഷനായി നല്‍കിയത്.  

രമേശ് ആന്‍ഡ് സുരേഷ് എന്നായിരുന്നു ക്യാപ്ഷൻ. സച്ചിന്റെ പിതാവ് രമേശ് ടെന്‍ഡുല്‍ക്കറെ അപഹസിക്കുന്നതാണ് ട്വീറ്റെന്ന് ആരാധകര്‍ രോഷത്തോടെ പ്രതികരിക്കാന്‍ തുടങ്ങി. ഇതിഹാസ താരത്തിന്റെ പിതാവിനെ അപമാനിക്കുന്ന രീതിയിലുള്ള പോസ്റ്റാണിതെന്നാണ് സോഷ്യൽ മീഡിയ ആരോപ്പിക്കുന്നത്.

Ramesh and Suresh