250നും മുകളില്‍ റണ്‍സ് സാധാരണമായി വന്നിരുന്ന ഐപിഎല്‍ മത്സരങ്ങള്‍ക്ക് ശേഷം ബാറ്റര്‍മാര്‍ കഷ്ടപ്പെടുന്ന ടി20 ലോകകപ്പാണ് ക്രിക്കറ്റ് പ്രേമികള്‍ക്ക് മുന്നില്‍ ഇപ്പോള്‍ നടക്കുന്നത്. അപ്രവചനീയമായ ബൗണ്‍സ് നിലനില്‍ക്കുന്ന പുതിയ പിച്ചുകളില്‍ ബാറ്റര്‍മാരുടെ നിലനില്‍പ്പ് പോലും കഷ്ടത്തിലാണ്. ഈ സാഹചര്യത്തിലും അയര്‍ലന്‍ഡിനെതിരായ മത്സരത്തില്‍ മികച്ച പ്രകടനങ്ങളാണ് രോഹിത് ശര്‍മയും റിഷഭ് പന്തും ഇന്ത്യയ്ക്കായി കാഴ്ചവെച്ചത്.
