ഓസ്‌ട്രേലിയന്‍ ഇന്നിങ്‌സിന്റെ 12-ാം ഓവറിലാണ് സംഭവം. ഉമേഷ് യാദവിന്റെ പന്ത് വിചാരിച്ച പോലെ ബാറ്റില്‍ കണക്ട് ചെയ്യാന്‍ സ്മിത്തിന് സാധിച്ചില്ല. ബാറ്റില്‍ എഡ്ജ് എടുത്ത് പന്ത് നേരെ വിക്കറ്റ് കീപ്പര്‍ ദിനേശ് കാര്‍ത്തിക്കിന്റെ കൈകളിലേക്ക്. അത് എഡ്ജ് ആണെന്ന് ഉറപ്പുണ്ടായിട്ടും സ്മിത്ത് കയറി പോകാന്‍ തയ്യാറായില്ല. മറിച്ച് ക്രീസില്‍ തന്നെ നിന്നു. അംപയര്‍ ഔട്ട് വിളിച്ചതുമില്ല.
ഉടനെ തന്നെ ഇന്ത്യന്‍ നായകന്‍ ഡിആര്‍എസ് ആവശ്യപ്പെട്ടു. ഗ്രൗണ്ടില്‍ നിന്ന് പോകാതെയുള്ള സ്റ്റീവ് സ്മിത്തിന്റെ നില്‍പ്പ് കണ്ടപ്പോള്‍ രോഹിത്തിന് ദേഷ്യം വന്നു. 'നിന്ന് താളം ചവിട്ടാതെ കയറി പോടോ' എന്നാണ് രോഹിത് സ്മിത്തിനെ നോക്കി ആംഗ്യം കാണിച്ചത്. ഒടുവില്‍ തേര്‍ഡ് അംപയര്‍ പരിശോധിച്ചപ്പോള്‍ അത് ഔട്ടാണെന്ന് ബോധ്യപ്പെട്ടു.
