രോഹിത് ശര്‍മയ്‌ക്കൊപ്പം വിരാട് കോലി ഓപ്പണറായി എത്തിയതോടെ റിഷഭ് പന്തിന് മൂന്നാം നമ്പറില്‍ ബാറ്റ് ചെയ്യാന്‍ അവസരം ലഭിച്ചു. നാലാമനായാണ് സൂര്യകുമാര്‍ യാദവ് ബാറ്റ് ചെയ്യാനെത്തിയത്. ലെഫ്റ്റ്-റൈറ്റ് കോംബിനേഷനു വേണ്ടിയാണ് പന്തിനെ വണ്‍ഡൗണ്‍ ആയി ഇറക്കിയത്. രോഹിത്, കോലി, സൂര്യകുമാര്‍ എന്നിവര്‍ വലംകൈയന്‍ ബാറ്റര്‍മാരാണ്. ഇവര്‍ക്കിടയിലേക്ക് ഇടംകൈയന്‍ ആയ പന്ത് എത്തുന്നത് ഗുണം ചെയ്യുമെന്ന പരിശീലകന്‍ രാഹുല്‍ ദ്രാവിഡിന്റെ തീരുമാനം നൂറ് ശതമാനം ശരിയെന്ന് ഉറപ്പിക്കുന്ന പ്രകടനമായിരുന്നു അയര്‍ലന്‍ഡിനെതിരെ കണ്ടത്.
