വിശാഖപട്ടണത്ത് ഓപ്പണറായി അരങ്ങേറ്റം നടത്തി ആദ്യ രണ്ട് ഇന്നിംഗ്സിലും സെഞ്ച്വറി അടിച്ച് തനിക്കുണ്ടായിരുന്ന പേരുദോഷമെല്ലാം മാ‍റ്റിയിരിക്കുകയാണ് ഹിറ്റ്മാൻ രോഹിത് ശർമ. പരിമിത ഓവര്‍ ക്രിക്കറ്റില്‍ രോഹിത് കേമനാണ്. എന്നാൽ, ടെസ്റ്റ് ക്രിക്കറ്റിനു അനുയോജ്യമല്ലെന്ന് പലയാവർത്തി ക്രിക്കറ്റ് ലോകം രോഹിതിനു മേൽ ആരോപണമുന്നയിച്ചിരുന്നു.
രോഹിത് ശര്‍മ്മയില്‍ പൂര്‍ണ വിശ്വാസം അർപ്പിച്ചിരിക്കുകയാണ് ടീം മാനേജ്‌മെന്റ് ഇപ്പോൾ. പരിശീലകന്‍ രവി ശാസ്ത്രിയുടെ ഇപ്പോഴത്തെ ഹീറോ രോഹിത് ആണ്. നൂറ് നാവാണ് ശാസ്ത്രിക്ക് ഹിറ്റ്മാനെ കുറിച്ച് പറയുമ്പോൾ. എന്നാൽ, ഇങ്ങനെയായിരുന്നില്ല കഴിഞ്ഞ കരീബിയൻ പര്യടനത്തിൽ രോഹിതിന്റെ അവസ്ഥ.
