രണ്ടിന് 65 റൺസ് എന്ന നിലയിൽ ബാറ്റിങ്ങ് പുനഃരാരംഭിച്ച വിൻഡീസിന് ആദ്യ പന്തിൽ തന്നെ മർലോൺ സാമുവലിനെ നഷ്ടമായി. തുടര്‍ന്നാണ് ബ്രാവോ ടീമിനെ രക്ഷിക്കാൻ ശ്രമിച്ചത്. 35 റൺസ് നേടിയ റോസ്റ്റൺ ചേസ്, ജെർമെയ്ൻ ബ്ലാക്‌വുഡ് (15) എന്നിവർ ബ്രാവോക്ക് മികച്ച പിന്തുണ നൽകി. 406 പന്തുകളില്‍ നിന്നായി പത്ത് ബൗണ്ടറികളും ഒരു സിക്സറുമടക്കമായിരുന്നു ബ്രാവോയുടെ സെഞ്ചുറി. പാകിസ്ഥാനു വേണ്ടി അമിർ മൂന്നും യാസിർ ഷാ, മുഹമ്മദ് നവാസ് എന്നിവര്‍ രണ്ടും വഹാബ് റിയാസ് ഒരു വിക്കറ്റും വീഴ്ത്തി.
