Shubman Gill: ട്വന്റി 20 ലോകകപ്പിനുള്ള ഇന്ത്യന്‍ ടീമില്‍ പ്രധാന ഓപ്പണറായി ആരെത്തും? അടുത്ത കോലിയെന്ന് ക്രിക്കറ്റ് ലോകം വിശേഷിപ്പിക്കുന്ന ശുഭ്മാന്‍ ഗില്ലിന് ആയിരുന്നു കൂടുതല്‍ സാധ്യതയെങ്കിലും ഇപ്പോള്‍ അത് തുലാസില്‍ ആണ്. സമീപകാലത്ത് ട്വന്റി 20 ഫോര്‍മാറ്റില്‍ ഗില്‍ നിറം മങ്ങിയതും ഇടംകൈയന്‍ ബാറ്ററായ യഷസ്വി ജയ്‌സ്വാള്‍ മികച്ച പ്രകടനം തുടരുന്നതുമാണ് അതിനു കാരണം. ടി20 ഫോര്‍മാറ്റില്‍ ജയ്‌സ്വാള്‍ ഗില്ലിന് ഭീഷണി ഉയര്‍ത്തുന്നുണ്ട്. അതിന്റെ സൂചനയാണ് അഫ്ഗാനിസ്ഥാനെതിരായ ട്വന്റി 20 പരമ്പര.
