എന്നാൽ ശക്തമായ അടിത്തറയിൽ നിന്നും തകർത്താടുന്ന സ്റ്റീവ് സ്മിത്തിനെയാണ് പിന്നീട് മത്സരത്തിൽ കാണാനായത്. ഒരറ്റത്ത് ഫിഞ്ച് തന്റെ സ്വതസിദ്ധമായ ഫോമിലേക്കുയർന്നതോടെ തകർത്താടുന്ന സ്റ്റീവ് സ്മിത്താണ് മറുഭാഗത്ത് കാഴ്‌ച്ചയായത്. ഫിഞ്ച് 124 പന്തിൽ നിന്നും 114 റൺസെടുത്ത് പുറത്തായി. എന്നാൽ ഫിഞ്ച് ഔട്ടായതിനെ തുടർന്ന് ക്രീസിലെത്തിയ ഗ്ലെൻ മാക്സ്വെല്ലും തിളങ്ങിയതോടെ ഓസീസ് സ്കോർ കുതിച്ചുയരുകയായിരുന്നു.
അതേസമയം തീർത്തും നിരാശപ്പെടുത്തുന്ന പ്രകടനമാണ് ഇക്കുറി ഇന്ത്യൻ ബൗളർമാരിൽ നിന്നുമുണ്ടായത്. 3 ഓസീസ് വിക്കറ്റുകൾ വീഴ്‌ത്തിയ മുഹമ്മദ് ഷമിക്കൊഴികെ ഒരു ബൗളർക്കും മത്സരത്തിൽ തിളങ്ങാനായില്ല. ഇന്ത്യയുടെ പ്രധാന ബൗളറായ ജസ്‌പ്രീത് ബുമ്ര 10 ഓവറിൽ 73 റൺസാണ് വഴങ്ങിയത്. ഐപിഎല്ലിലെ സ്റ്റാർ ബൗളറായ്ഇരുന്ന ചഹൽ 10 ഓവറിൽ 89 റൺസാണ് മത്സരത്തിൽ വിട്ടുകൊടുത്തത്.
