ബംഗ്ലാദേശിനെതിരായ ഒന്നാം ടെസ്റ്റില്‍ വിരാട് കോലി, രോഹിത് ശര്‍മ തുടങ്ങിയവരെല്ലാം റണ്‍സ് കണ്ടെത്താന്‍ പരാജയപ്പെട്ടപ്പോള്‍ രണ്ട് ഇന്നിങ്‌സിലും പന്ത് തിളങ്ങി. ഒന്നാം ഇന്നിങ്‌സില്‍ 39 റണ്‍സും രണ്ടാം ഇന്നിങ്‌സില്‍ 109 റണ്‍സുമാണ് പന്ത് നേടിയത്.
യുവതാരം യഷസ്വി ജയ്‌സ്വാള്‍ ആണ് ബാറ്റര്‍മാരുടെ പട്ടികയില്‍ അഞ്ചാം സ്ഥാനത്ത്. മുന്‍ റാങ്കിങ്ങില്‍ ആറാം സ്ഥാനത്തായിരുന്നു ജയ്‌സ്വാള്‍. ഇംഗ്ലണ്ട് ബാറ്റര്‍ ജോ റൂട്ടാണ് ഒന്നാമത്. ന്യൂസിലന്‍ഡ് താരം കെയ്ന്‍ വില്യംസണ്‍ രണ്ടാം സ്ഥാനത്ത്. ന്യൂസിലന്‍ഡിന്റെ ഡാരില്‍ മിച്ചല്‍, ഓസ്ട്രേലിയയുടെ സ്റ്റീവ് സ്മിത്ത് എന്നിവര്‍ യഥാക്രമം മൂന്നും നാലും സ്ഥാനങ്ങളില്‍.
