ആഷസ് പരമ്പരയിലെ സെഞ്ചുറി നേട്ടത്തോടെ പുതിയൊരു റെക്കോര്‍ഡിനുടമയായി ഓസീസ് നായകന്‍ സ്റ്റീവ് സ്മിത്ത്. ഏറ്റവും വേഗതയില്‍ ഏറ്റവും കൂടുതല്‍ സെഞ്ചുറികള്‍ നേടുന്ന മൂന്നാമത്തെ താരമായാണ് സ്മിത്ത് മാറിയത്. 108 ഇന്നിങ്‌സുകളില്‍ നിന്നായിരുന്നു സ്മിത്ത് 22 സെഞ്ചുറികള്‍ സ്വന്തമാക്കിയത്. ഈ സെഞ്ചുറി നേട്ടത്തോടെ 18 വര്‍ഷം പഴക്കമുളള സച്ചിന്‍ ടെന്‍ഡുല്‍ക്കറുടെ റെക്കോര്‍ഡ് സ്മിത്ത് തകര്‍ക്കുകയും ചെയ്തു.
2017ല്‍ ഇതുവരെ നടന്ന ടെസ്റ്റ് മത്സരങ്ങളില്‍ 1000 റണ്‍സ് നേടിയതോടെ തുടര്‍ച്ചയായ നാല് വര്‍ഷങ്ങളില്‍ 1000 റണ്‍സ് വീതം നേടുന്ന രണ്ടാമത്തെ താരമായി മാറാനും സ്മിത്തിന് കഴിഞ്ഞു. മുന്‍ ഓസീസ് താരമായ മാത്യു ഹെയ്ഡനാണ് ഈ നേട്ടം സ്വന്തമാക്കിയ മറ്റൊരു ക്രിക്കറ്റ് താരം. സ്മിത്തിന്റെ പ്രകടനമികവില്‍ ഓസ്‌ട്രേലിയ നാല് വിക്കറ്റ് നഷ്ടത്തില്‍ 314 റണ്‍സെടുത്ത് 89 റണ്‍സിന്റെ ലീഡ് നേടി.
