ത്രിരാഷ്ട്ര പരമ്പരയില്‍ നിന്നും ഇര്‍ഫാന്‍ പത്താന് പുറത്ത്
ചൊവ്വ, 25 ജൂണ്‍ 2013 (17:05 IST)
PRO
പേശിവലിവിനെ തുടര്‍ന്ന് വിന്‍ഡീസില്‍ നടക്കുന്ന ത്രിരാഷ്ട്ര പരമ്പരയ്ക്കുള്ള ഇന്ത്യന്‍ ടീമില്‍ നിന്ന് ഓള്‍റൗണ്ടര്‍ ഇര്‍ഫാന്‍ പത്താനെ ഒഴിവാക്കി. പശ്ചിമ ബംഗാളില്‍ നിന്നുള്ള ഫാസ്റ്റ് ബൗളര്‍ ഷാമി അഹമ്മദാണ് പത്താന് പകരം ടീമിലെത്തുന്നത്.
ചാമ്പ്യന്‍സ് ട്രോഫിയ്ക്കുള്ള പതിനഞ്ചംഗ ഇന്ത്യന്‍ ടീമില്‍ ഇടം പിടിച്ചിരുന്നെങ്കിലും ഒരു മത്സരത്തില്‍ പോലും കളിക്കാന്‍ ഇര്‍ഫാന്‍ പത്താന് കഴിഞ്ഞിരുന്നില്ല. ശ്രീലങ്കയ്‌ക്കെതിരായ സന്നാഹ മത്സരത്തില്‍ കളിച്ചെങ്കിലും 5 ഓവറില്‍ 45 റണ്‍സാണ് പത്താന് വിട്ടുകൊടുത്തത്.
ഏറെക്കാലമായി പരുക്കും ഫോമില്ലായ്മയും അലട്ടുന്ന പത്താന് 2012ല്‍ ശ്രീലങ്കയില്‍ നടന്ന ട്വന്റ്- 20യിലാണ് അവസാനമായി ഇന്ത്യക്ക് വേണ്ടി കളിച്ചത്. പരുക്കില്‍ നിന്ന് മോചിതനായി ഉടന്‍ ടീമില്‍ മടങ്ങിയെത്താന്‍ കഴിയുമെന്നാണ് പ്രതീക്ഷിക്കുന്നതെന്ന് ഇര്‍ഫാന്‍ പറഞ്ഞു.
