മൂന്ന് ചിത്രങ്ങളാണ് ഒരേ സമയം വിക്രമിന്റെതായി ഒരുങ്ങുന്നത്. മണിരത്നത്തിന്റെ 'പൊന്നിയിൻ സെൽവൻ' ഷൂട്ടിംങ്ങിൻറെ ഭാഗമായി ഹൈദരാബാദിലാണ് നടൻ. ഇതിനുവേണ്ടി 'കോബ്ര'യുടെ ചിത്രീകരണം താൽക്കാലികമായി നിർത്തിവെച്ചിരിക്കുകയാണ്. ഈ രണ്ട് ചിത്രങ്ങൾക്കും പൂർത്തിയാക്കി വിക്രം 'ചിയാൻ 60'ൻറെ തിരക്കിലേക്ക് അടുത്തു തന്നെ കടക്കും എന്നാണ് റിപ്പോർട്ടുകൾ. വിക്രവും ധ്രുവും ഒന്നിക്കുന്ന സിനിമ കൂടിയായതിനാൽ ആരാധകർ പ്രതീക്ഷയോടെ കാത്തിരിക്കുകയാണ്. ആദ്യമായാണ് മകനുമായി നടൻ സ്ക്രീൻ സ്പേസ് പങ്കിടുന്നത്. മാർച്ചിൽ ഷൂട്ട് തുടങ്ങാനാണ് സാധ്യത.
