മോഹൻലാലിന്റെ കരിയറിലെ വ്യത്യസ്തമായ വേഷങ്ങളിലൊന്നായിരുന്നു റോക്ക് എന്‍ റോളിലെ ചന്ദ്രമൗലി. രഞ്ജിത്ത് രചനയും സംവിധാനവും നിര്‍വഹിച്ച ചിത്രം പുറത്തിറങ്ങിയത് 2007ല്‍ ആണ്. മോഹൻലാലിനെ കൂടാതെ ചിത്രത്തിൽ മുകേഷ്, സിദ്ധിഖ്, ലാൽ, റഹ്‌മാൻ, ഹരിശ്രീ അശോകൻ, റായ് ലക്ഷ്മി, ശ്വേത മേനോന്‍ തുടങ്ങി നിരവധി താരങ്ങൾ ഒന്നിച്ചിരുന്നു. എന്നാൽ റിലീസ് സമയത്ത് സിനിമ വേണ്ടത്ര വിജയം നേടിയിരുന്നില്ല. തിയേറ്ററിൽ അധികം ഓടാതെ ചിത്രം ഓട്ടം അവസാനിപ്പിച്ചു.
അവസാന നിമിഷം ലാലേട്ടന്റെ ഫാന്‍സിന് ആ ക്ലൈമാക്സ് പറ്റില്ലെന്ന് പറഞ്ഞിട്ടാണ് ക്ലൈമാക്സ് മാറ്റിയതെന്നും നടി പറഞ്ഞു. സിനിമ കഴിയാനാകുമ്പോൾ ഒരു ട്വിസ്റ്റ് ഒക്കെ ഉണ്ടായിരുന്നുവെന്നും, ആ ക്ലൈമാക്സ് ആയിരുന്നു കുറച്ചുകൂടി നന്നായിരുന്നതെന്നും നടി പറയുന്നു. സില്ലിമോങ്ക്‌സ് മോളിവുഡിന് നൽകിയ അഭിമുഖത്തിലാണ് പ്രതികരണം.
റോക്ക് എന്‍ റോളില്‍ എന്റെ കഥാപാത്രവും ലാലേട്ടന്റെ കഥാപാത്രവും ഒരു ബഡി – ബഡി കഥാപാത്രമാണ്. രണ്ടുപേരും അടുത്ത സുഹൃത്തുക്കളാണ്. അവസാന നിമിഷം ലാലേട്ടന്റെ ഫാന്‍സിന് ആ ക്ലൈമാക്സ് പറ്റില്ലെന്ന് പറഞ്ഞിട്ടാണ് മാറ്റുന്നത്. അവസാനം ഒരു ട്വിസ്റ്റ് ഉണ്ടായിരുന്നു. എന്നാല്‍ ആ ട്വിസ്റ്റ് അവിടെ നടന്നില്ല. അതുണ്ടായിരുന്നെങ്കില്‍ നന്നായേനെ ,’ ശ്വേത മേനോന്‍ വ്യക്തമാക്കി.
