2006 ൽ തമിഴ്നാട്ടിൽ നിന്നും ആരംഭിക്കുന്ന കഥ പിന്നീട് കൊച്ചിയിലേക്ക് വഴിമാറുകയാണ്. പിന്നീട് കോയമ്പത്തൂർ, കോയമ്പത്തൂർ നിന്നും കോഴിക്കോടേക്കും കഥ മാറുകയാണ്. ഒടുവിൽ എത്തിനിൽക്കുന്നത് കൊച്ചിയിലും. കേട്ടതുപോലെതന്നെ, കാസർഗോഡ് ഭാഷ കിടിലൻ ആക്കിയിരിക്കുകയാണ് മമ്മൂട്ടി. ഡയലോഗിന്റെ കാര്യത്തിലും ലുക്കിലും സ്റ്റൈലാണ് നിത്യാനന്ദ ഷേണായി.
സിദ്ധിഖ്, ഇനിയ, ഹരീഷ് കണാരന്‍, നിര്‍മല്‍ പാലാഴി, മാമുക്കോയ, സ്വരാജ് എന്നിവരാണ് ചിത്രത്തിലെ മറ്റു താരങ്ങള്‍. ത്രീ കളര്‍ സിനിമയുടെ ബാനറിലാണ് ചിത്രം നിര്‍മിക്കുന്നത്. കാഷ്‌മോര, മാരി എന്നീ ചിത്രങ്ങളുടെ ക്യാമറാമാനായ ഓംപ്രകാശാണ് ചിത്രത്തിന്റെ ഛായാഗ്രഹണം. സംഗീതസംവിധാനം: ഷഹബാസ് അമന്‍.
