നടന്‍ മമ്മൂട്ടിക്ക് വേണ്ടി ആരാധകര്‍ ക്ഷേത്രങ്ങളില്‍ വഴിപാട് നടത്തി. മമ്മൂട്ടിക്കെതിരെ നടക്കുന്ന സൈബര്‍ ആക്രമണങ്ങളുടെ പശ്ചാത്തലത്തിലാണ് പ്രിയതാരത്തിനു വേണ്ടി ആരാധകരുടെ വഴിപാട്. മമ്മൂട്ടി ആരാധകരായ ചെട്ടികുളങ്ങര ഈരേഴ തെക്ക് കടനാട്ട് കിഴക്കതില്‍ അനന്തുവും കൊയ്പള്ളി കാരാണ്‍മ ദേവീക്ഷേത്ര ജീവനക്കാരന്‍ സന്തോഷ് പനക്കലുമാണ് വഴിപാട് നടത്തിയത്.
'മമ്മൂട്ടി, വിശാഖം നാള്‍' എന്നാണ് വഴിപാട് രസീതില്‍ രേഖപ്പെടുത്തിയിരിക്കുന്നത്. ചെട്ടികുളങ്ങര ദേവീക്ഷേത്രത്തിലാണ് അനന്തു രക്തപുഷ്പാഞ്ജലി നേര്‍ന്നത്. സന്തോഷ് കൊയ്പള്ളി കാരാണ്‍മ ദേവീ ക്ഷേത്രത്തില്‍ അഷ്ടോത്തരാര്‍ച്ചന നടത്തി.
