കാട്ടിലെ മരം മുറിച്ച് കടത്തുന്ന കൊള്ളക്കാരാണല്ലോ ഇന്നത്തെ നായകൻ, അല്ലു അർജുനെതിരെ ഒളിയമ്പെയ്ത് പവൻ കല്യാൺ

Pawan Kalyan, Allu Arjun

പുതിയ സിനിമകളിലെ നായകന്മാരെ അവതരിപ്പിക്കുന്ന രീതിയില്‍ വിമര്‍ശനവുമായി ആന്ധ്രാപ്രദേശ് ഉപമുഖ്യമന്ത്രിയും തെലുങ്ക് സൂപ്പര്‍താരവുമായ പവന്‍ കല്യാണ്‍. മുന്‍പൊക്കെ സിനിമകളില്‍ കാടിനെ രക്ഷിക്കുന്ന ആളായിരിക്കും നായകന്‍. എന്നാല്‍ ഇന്നിപ്പോള്‍ വനം കൊള്ളക്കാരാണ് നായകന്മാരെന്ന് പവന്‍ കല്യാണ്‍ പറഞ്ഞു. ഇത് തെറ്റായ സന്ദേശമാണ് ജനങ്ങള്‍ക്ക് നല്‍കുന്നതെന്നും പവന്‍ കല്യാണ്‍ വ്യക്തമാക്കി.

കര്‍ണാടകയില്‍ നിന്നും ആന്ധ്രാപ്രദേശ് 8 കുങ്കിയാനകളെ വാങ്ങുന്നുണ്ട്. ഇത് സംബന്ധിച്ച വാര്‍ത്താസമ്മേളനത്തിലാണ് പവന്‍ കല്യാണ്‍ വിമര്‍ശനമുന്നയിച്ചത്. 40 വര്‍ഷങ്ങള്‍ക്ക് മുന്‍പ് നായകനെന്നാല്‍ വനത്തെ സംരക്ഷിക്കുന്നവരായിരുന്നു. എന്നാല്‍ ഇന്ന് വനം കൊള്ളക്കാരാണ് നായകന്‍. ഇന്നത്തെ സിനിമ എനിക്ക് മനസിലാക്കാന്‍ കഴിയുന്നില്ല. ശരിയായ സന്ദേശമാണോ നമ്മള്‍ ജനങ്ങള്‍ക്ക് നല്‍കുന്നത്. പവന്‍ കല്യാണ്‍ ചോദിച്ചു.