ഇന്ത്യന്‍ സിനിമയില്‍ ആദ്യമായി 4x4 മഡ് റേസിംഗ് പ്രമേയമാക്കി ഒരുങ്ങുന്ന ബഹുഭാഷാ ചിത്രമാണ് മഡ്ഡി. ആരാധകരില്‍ ആവേശമുണര്‍ത്തുന്ന നിരവധി സീനുകള്‍ ഉള്ള സിനിമ കാഴ്ചക്കാര്‍ക്ക് നൂതനമായ ഒരു സിനിമാറ്റിക് അനുഭവമായിരിക്കും നല്‍കുകയെന്ന് നിര്‍മ്മാതാക്കള്‍ പറയുന്നു.ഡോ. പ്രഗഭാല്‍ സംവിധാനം ചെയ്യുന്ന ചിത്രം പി കെ 7 ക്രിയേഷന്‍സാണ് നിര്‍മ്മിക്കുന്നത്. സിനിമയുടെ റിലീസ് പ്രഖ്യാപിച്ചു. ഡിസംബര്‍ പത്തിന് ചിത്രം പ്രേക്ഷകരിലേക്ക് എത്തും.
പുതുമുഖങ്ങളായ പ്രേംദാസ് കൃഷ്ണ, യുവന്‍ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. രഞ്ജി പണിക്കര്‍,ഐ എം വിജയന്‍,ഹരീഷ് പേരടി,ബിനീഷ് ബാസ്റ്റിന്‍,സുനില്‍ സുഗത, ശോഭ മോഹന്‍,ഗിന്നസ് മനോജ് എന്നിവരാണ് മറ്റു പ്രധാനവേഷങ്ങളില്‍ എത്തുന്നത്.
