തന്റെ സിനിമകളില്‍ ഫഹദ് ഫാസില്‍ ഫസ്റ്റ് ചോയ്സ് ആകുന്നത് എന്തുകൊണ്ടാണെന്ന് വ്യക്തമാക്കി സംവിധായകന്‍ മഹേഷ് നാരായണന്‍. തന്റെ സിനിമയിലെ അഭിനേതാവ് എന്നതിലുപരി ഫഹദ് തനിക്കൊരു സുഹൃത്താണെന്നും മഹേഷ് പറഞ്ഞു. താന്‍ പറയുന്ന കഥകള്‍ ഫഹദിന് പെട്ടന്ന് മനസിലാകും. തങ്ങളുടെ സുഹൃത്ബന്ധത്തില്‍ വളരെ സുതാര്യതയുണ്ടെന്നും അതുകൊണ്ടാണ് ഫഹദ് ഫസ്റ്റ് ചോയ്സ് ആകുന്നതെന്നും മഹേഷ് പറയുന്നു. ഫഹദ് ഇല്ലാത്ത ഒരു സിനിമയുടെ തിരക്കഥയെ കുറിച്ച് പോലും അദ്ദേഹത്തോട് സംസാരിച്ചിട്ടുണ്ട്. പക്ഷേ, ആ സിനിമ പിന്നീട് നടന്നില്ലെന്നും മഹേഷ് പറഞ്ഞു.
