ഫഹദ് ഫാസില്‍,ദിലീഷ് പോത്തന്‍,ശ്യാം പുഷ്‌കരന്‍ എന്നിവര്‍ ചേര്‍ന്നാണ് പ്രേമലു എന്ന സിനിമ നിര്‍മിച്ചത്. സിനിമയില്‍ ഒരു ചെറിയ വേഷത്തില്‍ ശ്യാം പുഷ്‌കരന്‍ അഭിനയിക്കുകയും ചെയ്തിരുന്നു. ഇതോടെയാണ് കുടുംബത്തില്‍ ഇത്രയും പേരുണ്ടായിട്ടും അഭിനേതാവെന്ന നിലയില്‍ 100 കോടി അടിക്കാന്‍ താന്‍ തന്നെ ഇറങ്ങേണ്ടി വന്നെന്ന് ശ്യാം പുഷ്‌കരന്‍ പറഞ്ഞത്. ഓഡിഷന് പോലും നിര്‍ത്താന്‍ കൊള്ളില്ലെന്ന് സുഹൃത്തുക്കള്‍ പറഞ്ഞിരുന്ന തന്നെ ആരു കണ്ടാലും ചിരിക്കുന്ന അവസ്ഥയിലാക്കിയതിന് ഗിരീഷ് എഡിയോട് നന്ദിയുണ്ടെന്നും ശ്യാം പുഷ്‌കരന്‍ പറഞ്ഞു. പ്രേമലു സിനിമയുടെ ക്ലൈമാക്‌സിലാണ് കോമഡി റോളില്‍ ശ്യാം പുഷ്‌കരന്‍ എത്തിയത്.
