ദൃശ്യം 2 റീമേക്കുകളെക്കുറിച്ചുള്ള ചര്‍ച്ചയിലാണ് സിനിമ ലോകം. ഇക്കഴിഞ്ഞ ഫെബ്രുവരിയില്‍ റിലീസ് ചെയ്ത് മൂന്ന് മാസങ്ങള്‍ പിന്നിടുമ്പോഴേക്കും ദൃശ്യം രണ്ട് നിരവധി ഭാഷകളിലേക്ക് റീമേക്ക് ചെയ്യുന്നുണ്ടെന്ന് പ്രഖ്യാപിച്ചു. അതിനിടെ തെലുങ്ക് പതിപ്പിന്റെ ചിത്രീകരണം ഇതിനകം പൂര്‍ത്തിയാക്കുകയും ചെയ്തു.കന്നഡ, ഹിന്ദി റീമേക്കും വൈകാതെ തന്നെ തുടങ്ങാനാണ് സാധ്യത. ഇപ്പോളിതാ സിനിമയുടെ ചൈനീസ് റീമേക്ക് അവകാശവും വിറ്റു പോയെന്ന റിപ്പോര്‍ട്ടുകളാണ് പുറത്തു വരുന്നത്.
