നാളെ മഞ്ജു നായികയായി എത്തുന്ന സിനിമ വന്നാല്‍ ദിലീപ് നായകനായി അഭിനയിക്കുമോ എന്നായിരുന്നു അഭിമുഖത്തില്‍ അവതാരകന്‍ ദിലീപിനോട് ചോദിച്ചത്.'ആ സിനിമയിലെ ആ കഥാപാത്രത്തിന് മഞ്ജു അല്ലാതെ മറ്റാരും ഇല്ലയെന്ന് പറഞ്ഞ് കഴിഞ്ഞാല്‍ മഞ്ജുവിനോടൊപ്പം അഭിനയിക്കും. മഞ്ജുവും താനും തമ്മില്‍ ഒരു ശത്രുതയുമില്ല. അങ്ങനെയൊരു കഥാപാത്രം വരട്ടെ അപ്പോള്‍ നമുക്ക് ആലോചിക്കാം'-എന്നാണ് ദിലീപ് അന്ന് പറഞ്ഞത്. വര്‍ഷങ്ങള്‍ക്കിപ്പുറവും ദിലീപിന്റെ ഈ വാക്കുകള്‍ സോഷ്യല്‍ മീഡിയയില്‍ ചര്‍ച്ചയാവുകയാണ്. എന്നാല്‍, ദിലീപിനൊപ്പം ഇനി അഭിനയിക്കാന്‍ മഞ്ജുവിന് താല്‍പര്യമില്ലെന്നാണ് റിപ്പോര്‍ട്ട്. ദിലീപിനൊപ്പം അഭിനയിക്കുമോ എന്ന ചോദ്യങ്ങളില്‍ നിന്ന് മഞ്ജു പലതവണ ഒഴിഞ്ഞുമാറിയിട്ടുണ്ട്. ഇത്തരം വിഷയങ്ങള്‍ സംസാരിക്കാന്‍ താല്‍പര്യമില്ലെന്നാണ് മഞ്ജു പറയുന്നത്.
