'കൂലി' ലോകേഷ് സിനിമാറ്റിക് യൂണിവേഴ്‌സിന്റെ (എല്‍സിയു) ഭാഗമല്ല. ലോകേഷ് ഇന്നലെ രാത്രി ഇക്കാര്യം വ്യക്തമാക്കിയിരുന്നെങ്കിലും ആരാധകര്‍ വിശ്വസിച്ചിരുന്നില്ല. എന്നാല്‍ ആദ്യ ഷോ പൂര്‍ത്തിയായതോടെ ഇക്കാര്യത്തില്‍ കൂടുതല്‍ വ്യക്തത ലഭിച്ചിരിക്കുന്നു. 'കൂലി' സ്റ്റാന്‍ഡ് എലോണ്‍ ചിത്രമാണ്. ഒരുപക്ഷേ കൂലിക്ക് രണ്ടാം ഭാഗം വന്നേക്കാം.
കൂലിയില്‍ രജനിക്കൊപ്പം ആമിര്‍ ഖാന്‍, നാഗാര്‍ജുന, ഉപേന്ദ്ര, സത്യരാജ്, ശ്രുതി ഹാസന്‍ തുടങ്ങി വന്‍ താരനിരയാണ് ചിത്രത്തില്‍ അണിനിരക്കുന്നത്. അതില്‍ തന്നെ ആമിര്‍ ഖാനും രജനിയും ഒന്നിക്കുന്ന സീനുകളായിരിക്കും ആരാധകരെ കൂടുതല്‍ ആവേശത്തിലാഴ്ത്തുക. മലയാളത്തില്‍ നിന്ന് സൗബിന്‍ ഷാഹിറും സുപ്രധാന വേഷത്തിലെത്തുന്നു. അനിരുദ്ധ് രവിചന്ദര്‍ ആണ് 'കൂലി'യുടെ സംഗീതം.
