ഇപ്പോഴിതാ സിനിമയുടെ മൂന്നാം ഭാഗത്ത് തമിഴ് സൂപ്പര്‍ താരം അജിത് കുമാറും ഉണ്ടാകുമെന്ന റിപ്പോര്‍ട്ടുകളാണ് വരുന്നത്. അടുത്തിടെ അജിത്കുമാര്‍ സംവിധായകന്‍ പ്രശാന്ത് നീലുമായി ചര്‍ച്ച നടത്തിയിരുന്നു. പ്രശാന്ത് നീലിനൊപ്പം 2 സിനിമകളില്‍ അജിത് അഭിനയിക്കുമെന്നാണ് റിപ്പോര്‍ട്ടുകള്‍. ഒന്ന് കെജിഎഫ് യൂണിവേഴ്‌സില്‍ നടക്കുന്ന കഥയും മറ്റൊന്ന് ഒരു വ്യത്യസ്ത സിനിമയുമായിരിക്കും.
അജിത്തിന്റെ പ്രശാന്ത് നീല്‍ സിനിമ ഒരു സ്റ്റാന്‍ഡ് അലോണ്‍ സിനിമയായിരിക്കും. എന്നാല്‍ കെജിഎഫ് 3യിലേക്ക് വഴിതുറക്കുന്ന സിനിമയായിരിക്കും ഇത്. ഇതോടെ കെജിഎഫ്3ല്‍ അജിത് കുമാര്‍ യാഷിന്റെ വില്ലനാകുമോ എന്ന അഭ്യൂഹങ്ങളും ഉയരുന്നുണ്ട്. ഹോംബാലെയുടെ ബാനറില്‍ തന്നെയാകും 2 സിനിമകളും ഒരുങ്ങുന്നത്. നിലവില്‍ വിഡാമുയര്‍ച്ചി,ഗുഡ് ബാഡ് അഗ്ലി എന്നീ സിനിമകളുടെ തിരക്കിലാണ് അജിത് കുമാര്‍. സലാര്‍2, ജൂനിയര്‍ എന്‍ടിആര്‍ സിനിമ എന്നിവയാണ് പ്രശാന്ത് നീല്‍ ചെയ്യുന്നത്.
