ലോകേഷ് കനകരാജ് സംവിധാനം ചെയ്‌ത് കഴിഞ്ഞ വര്‍ഷം ദീപാവലിക്ക് പ്രദര്‍ശനത്തിനെത്തിയ കൈദി ബ്ലോക്‍ബസ്റ്റര്‍ വിജയമാണ് നേടിയത്. ഹിന്ദിയിലേക്ക് റീമേക്ക് ചെയ്യുമ്പോള്‍, ഇതുവരെയും പക്ഷേ സംവിധായകന്‍ ആരാണെന്ന് വെളിപ്പെടുത്തിയിട്ടില്ല. ലോകേഷ് തന്നെയായിരിക്കും ഹിന്ദി പതിപ്പും സംവിധാനം ചെയ്യുക എന്നാണ് സൂചനകള്‍.
കാരണം, ലോകേഷിനെ സംബന്ധിച്ച് കൈദിയുടെ റീമേക്ക് ഇനി വേഗത്തില്‍ ചെയ്യാവുന്ന ഒരു കാര്യമാണ്. അതേ ലോക്കേഷന്‍ തന്നെ ഉപയോഗിച്ചാല്‍ കൂടുതല്‍ എളുപ്പവുമായിരിക്കും. 2021 ഫെബ്രുവരി 12ന് റിലീസ് പ്രഖ്യാപിച്ച സ്ഥിതിക്ക് ആ സമയത്തിനുള്ളില്‍ പെര്‍ഫെക്‍ടായി ചിത്രം തീര്‍ക്കാന്‍ കഴിയുക ലോകേഷിന് തന്നെയായിരിക്കും എന്ന ഉറപ്പ് നിര്‍മ്മാതാക്കള്‍ക്കുണ്ട്.
