നടൻ സിദ്ധാർഥും അദിതി റാവു ഹൈദരിയും വിവാഹിതരായി

Siddharth, Aditi rao hydari

നടന്‍ സിദ്ധാര്‍ഥും നടി അദിതി റാവു ഹൈദരിയും വിവാഹിതരായി. അദിതിയാണ്‍ വിവാഹചടങ്ങുകളുടെ ചിത്രങ്ങള്‍ പങ്കുവെച്ചുകൊണ്ട് സന്തോഷവാര്‍ത്ത അറിയിച്ചത്. നീയാണ് എന്റെ സൂര്യന്‍, എന്റെ ചന്ദ്രന്‍. എന്റെ എല്ലാ നക്ഷത്രങ്ങളും. മിസിസ് ആന്‍ഡ് മിസ്റ്റര്‍ അദു-സിദ്ധു- വിവാഹചിത്രങ്ങള്‍ പങ്കുവെച്ചുകൊണ്ട് അദിതി കുറിച്ചു.

ഏറെക്കാലമായി ലിവിങ് ടുഗെദറിലായിരുന്നു ഇരുവരും. 2021ല്‍ മഹാസമുദ്രം എന്ന സിനിമയില്‍ ഒന്നിച്ചഭിനയിച്ചതോടെയാണ് ഇരുവരും തമ്മില്‍ പ്രണയത്തിലാകുന്നത്. ഹൈദരാബാദിലെ പ്രശസ്തമായ ഹൈദരി കുടുംബത്തില്‍ ജനിച്ച അദിതി റാവു രാഷ്ട്രീയ നേതാക്കളായ മുഹമ്മദ് സലേ അക്ബര്‍ ഹൈദരിയുടെ കൊച്ചുമകളാണ്. ഇരുവരുടെയും രണ്ടാം വിവാഹമാണിത്.

View this post on Instagram

A post shared by Aditi Rao Hydari (@aditiraohydari)

 2003ല്‍ തന്റെ സിനിമാ അരങ്ങേറ്റത്തിന് പിന്നാലെ ബാല്യകാല സുഹൃത്തായ മേഘ്‌നയെയാണ് സിദ്ധാര്‍ഥ് വിവാഹം ചെയ്തത്. ചെറുപ്പം മുതലുള്ള പ്രണയമായിരുന്നെങ്കിലും ഇവരുടെ വിവാഹജീവിതം അധികനാള്‍ നിലനിന്നില്ല. ഏകദേശം 2 വര്‍ഷക്കാലം വേര്‍പിരിഞ്ഞ് ജീവിച്ചശേഷം 2007ലായിരുന്നു ഇരുവരും വിവാഹമോചിതരായത്. ബോളിവുഡ് നടന്‍ സത്യദീപ് മിശ്രയാണ് അദിതിയുടെ ആദ്യ ഭര്‍ത്താവ്. 2002ല്‍ വിവാഹിതരായ ഇവര്‍ 2012ല്‍ വേര്‍പിരിഞ്ഞു.