പതിറ്റാണ്ടുകളോളം നാടക രംഗത്ത് സജീവമായിരുന്നു ചാക്കോ. മുപ്പതോളം പ്രൊഫഷണല്‍ നാടകങ്ങളിലായി ഏഴായിരത്തിലേറെ വേദികളില്‍ അഭിനയിച്ചിട്ടുണ്ട്. ഓടയില്‍ നിന്ന്, വാഴ് വേ മയം, പെരുന്തച്ചന്‍, ആരും കൊതിക്കുന്ന മണ്ണ് തുടങ്ങിയവയാണ് ശ്രദ്ധേയമായ നാടകങ്ങള്‍. 2007 ല്‍ മികച്ച നടനുള്ള സംസ്ഥാന അവാര്‍ഡ് നേടി.
ബ്ലെസി സംവിധാനം ചെയ്ത കാഴ്ച, പളുങ്ക് എന്നീ സിനിമകളില്‍ അഭിനയിച്ചിട്ടുണ്ട്. അമൃതം, നായകന്‍, പകല്‍, മധുചന്ദ്രലേഖ എന്നിവയാണ് മറ്റു സിനിമകള്‍. സംഗീത നാടക അക്കാദമിയുടെ അഭിനയശ്രീ പുരസ്‌കാരവും ചാക്കോയ്ക്ക് ലഭിച്ചിട്ടുണ്ട്.
