സച്ചി - സേതു ടീം മലയാളത്തിലെ മികച്ച തിരക്കഥാകൃത്തുക്കളായിരുന്നു. ചോക്ലേറ്റ്, സീനിയേഴ്സ്, മേക്കപ്പ്‌മാന്‍, റോബിന്‍‌ഹുഡ് തുടങ്ങിയ ഹിറ്റ് സിനിമകള്‍ എഴുതിയത് ഇവരാണ്. ഇടയ്ക്ക് വച്ച് ഇവര്‍ പിരിഞ്ഞു. പിന്നീട് സച്ചി റണ്‍ ബേബി റണ്‍, ചേട്ടായീസ് എന്നീ തിരക്കഥകളെഴുതി. അനാര്‍ക്കലി എന്ന സൂപ്പര്‍ഹിറ്റ് ചിത്രം സംവിധാനം ചെയ്തു. സേതുവാകട്ടെ മല്ലുസിംഗ്, ഐ ലവ് മീ, സലാം കശ്മീര്‍, കസിന്‍സ് എന്നീ തിരക്കഥകളെഴുതി.
സച്ചി സംവിധാനം ചെയ്യുന്ന പുതിയ ചിത്രത്തില്‍ മമ്മൂട്ടി നായകനാകുന്നു എന്ന വാര്‍ത്ത കുറച്ചുനാള്‍ മുമ്പ് മലയാളം വെബ്ദുനിയ നല്‍കിയിരുന്നു. പുതിയ വാര്‍ത്ത, സേതുവും സംവിധായകനാകുന്നു. മമ്മൂട്ടി തന്നെ നായകന്‍ !
