വിജയ്, ധനുഷ്, ഫഹദ് ഫാസില്‍, രാം ചരണ്‍ തേജ - എല്ലാവര്‍ക്കും ഒരേയൊരു നായിക!
വ്യാഴം, 1 ഓഗസ്റ്റ് 2013 (16:07 IST)
PRO
തമിഴിലെ ഏറ്റവും വലിയ ക്രൌഡ് പുള്ളറും സൂപ്പര്‍താരവുമാണ് വിജയ്. അദ്ദേഹത്തിന്‍റെ സിനിമകള്‍ റിലീസ് ചെയ്യുന്ന സമയം തമിഴ്നാട്ടില്‍ ഒരു ഉത്സവ പ്രതീതിയാണ്. പുതിയ സിനിമ ഓഗസ്റ്റ് ഒമ്പതിന് റിലീസാകും.
‘തലൈവാ’ എന്ന പുതിയ സിനിമ ഒരു രാഷ്ട്രീയ സിനിമയല്ല. പക്ഷേ ഏറെ രാഷ്ട്രീയ പ്രാധാന്യമുള്ള ചിത്രമാണ്. ഈ ചിത്രത്തില്‍ നായിക മറ്റാരുമല്ല, മലയാളികളുടെ സ്വന്തം അമലാ പോള്‍ ആണ്. അമല ആദ്യമായി വിജയുടെ നായികയാകുന്നു.
തെന്നിന്ത്യയിലെ നമ്പര്‍ വണ്‍ നായികാപദവിയിലേക്ക് എത്തുകയാണ് അമലാ പോള്‍. അതിന്‍റെ തുടക്കമാണ് തലൈവാ. ഈ ഓഗസ്റ്റ് മാസം അമലാ പോളിനെ സംബന്ധിച്ച് ഏറെ നിര്‍ണായകമാണ്. അതെന്താണെന്നോ?
വിജയെ കൂടാതെ തെന്നിന്ത്യയിലെ ഏറ്റവും ഹോട്ട് ആയ മറ്റ് നായകന്‍‌മാരും തങ്ങളുടെ പുതിയ ചിത്രങ്ങളില്‍ നായികയായി തെരഞ്ഞെടുത്തിരിക്കുന്നതും അമല പോളിനെ തന്നെ!
അടുത്ത പേജില്‍ - തമിഴകത്തെ ‘ഏറ്റവും മികച്ച നടന്‍’ ഇനി അമലയുടെ നായകന്‍!
PRO
ഏറ്റവും മികച്ച നടനുള്ള ദേശീയ പുരസ്കാരം നേടിയ ധനുഷ് തന്‍റെ പുതിയ ചിത്രത്തില്‍ അമലാ പോളിനെ നായികയാക്കുന്നു. പ്രമുഖ ഛായാഗ്രാഹകനാ‍യ വേല്‍‌രാജ് സംവിധാനം ചെയ്യുന്ന പുതിയ ചിത്രത്തിലാണ് ധനുഷിന്‍റെ നായികയായി അമലയെത്തുന്നത്. ഓഗസ്റ്റ് 23ന് ചിത്രീകരണം ആരംഭിക്കും.
അടുത്ത പേജില്‍ - രാം ചരണ്‍ തേജയ്ക്കും നായിക അമല തന്നെ!
PRO
സിനിമ പരാജയപ്പെട്ടാലും മിനിമം 40 കോടി രൂപയെങ്കിലും കളക്ഷന്‍ നേടുന്നത് ഏത് താരത്തിന്‍റെ സിനിമയ്ക്കാണ്? അത് രാം ചരണ്‍ തേജയല്ലാതെ മറ്റാരാണ്. രാം ചരണ്‍ തേജയുടെ പുതിയ ചിത്രത്തിലേക്കും നായികയായി പരിഗണിക്കുന്നത് അമലാ പോളിനെയാണ്. രാം ചരണിന്‍റെ നായക് എന്ന സിനിമയില്‍ മുമ്പ് അമല അഭിനയിച്ചിട്ടുണ്ട്.
അടുത്ത പേജില്‍ - ഹോട്ട് താരം ഫഹദ് ഫാസിലിനൊപ്പം അമല!
PRO
മലയാളത്തില്‍ അമലാ പോളിന്‍റെ ഏറ്റവും വലിയ ഹിറ്റ് ‘റണ്‍ ബേബി റണ്‍’ ആണ്. ആ വിജയത്തെയും മറികടക്കാനാണ് അമല സത്യന്‍ അന്തിക്കാടിനൊപ്പം ചേരുന്നത്. സത്യന്‍ അന്തിക്കാടിന്‍റെ പുതിയ ചിത്രത്തില്‍ അമലയ്ക്ക് നായകന്‍ ഫഹദ് ഫാസിലാണ്. സംഗീതം വിദ്യാസാഗര്‍.
