സോണിയ മെഹ്‌റയെ അറിയില്ലേ? നടന്‍ വിനോദ് മെഹ്‌റയുടെ മകള്‍. പോരാത്തതിന് ബോളിവുഡിലെ ഒരു പുതുമുഖം കൂടിയാണിവര്‍.
ബോളിവുഡില്‍ അരങ്ങേറ്റത്തിന് ഇക്കാലത്തെ നടിമാര്‍ ഒരു റീമേക്ക് തെരഞ്ഞെടുക്കാന്‍ താല്‍‌പര്യം കാട്ടില്ല. എന്നാല്‍, ഈ താരപുത്രിയുടെ തീരുമാനം നേര്‍വിപരീതമാണ്. വിക്ടോറിയ നം.203 ന്‍റെ റീമേക്കിലാണിവര്‍ തുടക്കം കുറിക്കുന്നത്.
സൈറബാനു അവതരിപ്പിച്ച വേഷമാണിവര്‍ ചെയ്യുന്നത്. ഇതിനായി മൂന്ന് ഹിന്ദി അധ്യാപകരുടെ സേവനം വേണ്ടി വന്നു എന്ന് സോണിയ പറയുന്നു.
എന്തിനാണ് ഈ കഷ്ടപ്പാടെല്ലാം എന്ന് ചോദിച്ചാല്‍ സോണിയ പറയുന്ന മറുപടി പക്വതയാര്‍ന്നതാണ്-റീമേക്കിന് പഴയ തലമുറയിലെയും പുതിയ തലമുറയിലെയും കാണികളെ ഒരുമിച്ച് ലഭിക്കും.
മാധുരി ദീക്ഷിതിനെയും റാണി മുഖര്‍ജിയെയും മനസ്സാ ആരാധിക്കുന്ന ഈ യുവ നടിക്ക് സൈറയുടെ അഭിനയ മികവ് കാട്ടാന്‍ സാധിക്കുമോ?
