വരുന്നത് അരിവാള്‍ ചുറ്റിക നക്ഷത്രത്തേക്കാള്‍ വലിയ പടം!
തിങ്കള്‍, 25 ഫെബ്രുവരി 2013 (18:51 IST)
PRO
അരിവാള്‍ ചുറ്റിക നക്ഷത്രം! അമല്‍ നീരദ് സംവിധാനം ചെയ്യുന്ന സിനിമ. മമ്മൂട്ടി നായകന്‍. പൃഥ്വിരാജ് വില്ലന്‍. തിരക്കഥ ശങ്കര്‍ രാമകൃഷ്ണന്‍. പൃഥ്വിയുടെ നിര്‍മ്മാണക്കമ്പനിയായ ഓഗസ്റ്റ് സിനിമ നിര്‍മ്മാണം.
ഈ പ്രൊജക്ടിനെപ്പറ്റി മാധ്യമങ്ങളായ മാധ്യമങ്ങളൊക്കെ ഏറെ സംസാരിച്ചുകഴിഞ്ഞതാണ്. എന്നാല്‍ ഇപ്പോള്‍ അധികം കേള്‍ക്കുന്നില്ല. ഈ പ്രൊജക്ട് നടക്കുമെന്നും സെപ്റ്റംബറില്‍ തുടങ്ങുമെന്നുമൊക്കെ ചില റിപ്പോര്‍ട്ടുകള്‍ ഉണ്ടെങ്കിലും അതേക്കുറിച്ച് വ്യക്തതയില്ല.
ശങ്കര്‍ രാമകൃഷ്ണന്‍ ഇപ്പോള്‍ മറ്റൊരു തിരക്കഥയുടെ പണിപ്പുരയിലാണ് എന്നാണ് പുതിയ വാര്‍ത്ത. നായകന്‍ മമ്മൂട്ടി തന്നെ. പൃഥ്വിരാജും അഭിനയിക്കുന്നുണ്ട്. ഓഗസ്റ്റ് സിനിമ തന്നെയാണ് നിര്‍മ്മാണം. അമല്‍ നീരദ് തന്നെ സംവിധാനം ചെയ്യും. പക്ഷേ പ്രൊജക്ട് ‘അരിവാള്‍ ചുറ്റിക നക്ഷത്രം’ അല്ല!.
അരിവാള്‍ ചുറ്റിക നക്ഷത്രത്തേക്കാള്‍ വലിയ ഒരു കഥ കിട്ടിയെന്നും ഇത് അതിനേക്കാള്‍ വലിയ പ്രൊജക്ടായിരിക്കുമെന്നുമാണ് അണിയറ പ്രവര്‍ത്തകര്‍ പറയുന്നത്. ‘കുഞ്ഞാലിമരയ്ക്കാര്‍’ ആണ് ഇവര്‍ ഒരുക്കിക്കൊണ്ടുവരുന്ന സിനിമയെന്ന് ഒരു റൂമര്‍ പരന്നിട്ടുണ്ട്. എന്നാല്‍ ആരും സ്ഥിരീകരണം തന്നിട്ടില്ല. ഉടന്‍ തന്നെ ഔദ്യോഗിക പ്രഖ്യാപനം ഉണ്ടാകുമെന്നറിയുന്നു.
