ആശീര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂര്‍ നിര്‍മ്മിച്ച ഈ സിനിമ ഇതിനകം മുതല്‍മുടക്ക് തിരിച്ചുപിടിച്ചുകഴിഞ്ഞു. ഓണക്കാലത്തെ ആദ്യറിലീസായിരുന്നു ലോഹം. പ്രേക്ഷകര്‍ ആ സിനിമ അറിഞ്ഞാഘോഷിച്ചതോടെ വരുംദിവസങ്ങളിലെ റിലീസ് ചിത്രങ്ങള്‍ അല്‍പ്പം ആശങ്കയിലായിട്ടുണ്ട്. ലോഹത്തിന്‍റെ പടയോട്ടം മറ്റ് സിനിമകളെ ബാധിക്കുമോ എന്നാണ് ഇന്‍ഡസ്ട്രി ഉറ്റുനോക്കുന്നത്.
സിദ്ദിക്ക്, രണ്‍‌ജി പണിക്കര്‍, അബു സലിം എന്നിവരും ഗംഭീര പ്രകടനമാണ് ലോഹത്തില്‍ കാഴ്ചവച്ചിരിക്കുന്നത്.
