മമ്മൂട്ടിയെ നായകനാക്കി പോക്കിരിരാജ എന്ന സിനിമ സംവിധാനം ചെയ്താണ് വൈശാഖ് മലയാള സിനിമയിലേക്ക് കടന്നു വന്നത്. ഒരു നവാഗത സംവിധായകന്റെ എല്ലാ മെയ്‌വഴക്കവും അദ്ദേഹത്തിനുണ്ടായിരുന്നു. ഇക്കഴിഞ്ഞ വര്‍ഷം മോഹന്‍ലാലിനെ നായകനാക്കി വൈശാഖ് മറ്റൊരു സിനിമ സംവിധാനം ചെയ്തു - പുലിമുരുകന് . മലയാള സിനിമയെ സ്വപ്നം കാണാന്‍ പടിപ്പിച്ച സിനിമ.
പുലിമുരുകന് ശേഷം വൈശാഖ് സംവിധാനം ചെയ്യുന്ന ചിത്രം ഏതെന്ന് അറിയാനുള്ള ആകാംഷയായിരുന്നു ആരാധകര്‍ക്ക്. ചിത്രത്തിന്‍റെ വലിയ വിജയത്തിന് ശേഷം ജനുവരി ഒന്നാം തീയതിയാണ് മമ്മൂക്കയുടെ രാജ 2 വൈശാഖ് അന്നൗണ്‍സ് ചെയ്തത്. പോക്കിരിരാജ സിനിമയിലെ രാജ എന്ന കഥാപാത്രത്തിന്‍റെ തിരിച്ചുവരവായിരിക്കും ഈ ചിത്രം. എന്നാല്‍, പുതിയ റിപ്പോര്‍ട്ടുകളുടെ അടിസ്ഥാനത്തില്‍ വൈശാഖിന്റെ അടുത്ത ചിത്രത്തില്‍ നിവിന്‍ പോളിയാണ് നായകന്‍ എന്നാണ് പുതിയ റിപ്പോര്‍ട്ടുകള്‍.
