അന്‍‌വര്‍ റഷീദിന്‍റെ ആദ്യ ചിത്രമായിരുന്നു രാജമാണിക്യം. യഥാര്‍ത്ഥത്തില്‍ അത് അന്‍‌വര്‍ ചെയ്യാനിരുന്ന ചിത്രമല്ല. രഞ്ജിത്താണ് രാജമാണിക്യം സംവിധാനം ചെയ്യാനിരുന്നത്. മറ്റൊരാളുടെ തിരക്കഥയില്‍ രഞ്ജിത് സംവിധാനം ചെയ്യുന്ന ആദ്യ ചിത്രമാകുമായിരുന്നു രാജമാണിക്യം. എന്നാല്‍ ഒരു ജ്യോത്സ്യന്‍റെ നിര്‍ദ്ദേശപ്രകാരം രഞ്ജിത് ആ പ്രൊജക്ടില്‍ നിന്ന് പിന്‍‌മാറുകയായിരുന്നു.
അതിന് ശേഷം രഞ്ജിത് സംവിധാനം ചെയ്ത ചിത്രങ്ങളെല്ലാം സ്വന്തം തിരക്കഥയിലായിരുന്നു. ഇപ്പോഴിതാ, ‘ലീല’ വരുന്നു. ഉണ്ണി ആറിന്‍റെ തിരക്കഥയില്‍ രഞ്ജിത് സംവിധാനം ചെയ്യുന്ന സിനിമ. ബിജുമേനോന്‍ നായകന്‍. മറ്റൊരാളുടെ തിരക്കഥയില്‍ രഞ്ജിത് സംവിധാനം ചെയ്യുന്ന ആദ്യ ചിത്രമായി ലീല മാറിയിരിക്കുകയാണ്.
