മോഹന്‍ലാല്‍ - രഞ്ജിത് ചിത്രത്തിന് ബജറ്റ് പ്രശ്നമല്ല, 12 കോടി ചെലവെന്ന് ആദ്യ റിപ്പോര്‍ട്ട്!
വെള്ളി, 6 ഡിസം‌ബര്‍ 2013 (15:05 IST)
PRO
മോഹന്‍ലാലും രഞ്ജിത്തും വീണ്ടും ഒന്നിക്കുമ്പോള്‍ ലൊക്കേഷന്‍ വരിക്കാശ്ശേരി മനയാകുമോ? ആകണമെന്നാണ് ആരാധകരുടെ ആഗ്രഹം. മറ്റൊരു ആറാം തമ്പുരാനോ നരസിംഹമോ രാവണപ്രഭുവോ ഒക്കെയാണ് അവര്‍ പ്രതീക്ഷിക്കുന്നത്. രഞ്ജിത് ഇനി അത്തരം ചിത്രങ്ങള്‍ ചെയ്യില്ലെന്ന് ഉറപ്പുണ്ടെങ്കിലും ആരാധകര്‍ അത് മോഹിക്കുന്നു.
മോഹന്‍ലാലും രഞ്ജിത്തും ഒന്നിക്കുന്ന സിനിമയ്ക്ക് ചെലവ് എത്രയായിരിക്കും? 12 കോടി രൂപയുടെ ബജറ്റിലാണ് ചിത്രം പ്ലാന്‍ ചെയ്യുന്നതെന്നാണ് ആദ്യ വിവരം. എന്നാല്‍ ചെലവ് ഇത്രയും കൂടിയാല്‍ മലയാള സിനിമ അത് താങ്ങുമോ എന്ന ന്യായമായ സംശയത്തിന് അണിയറപ്രവര്‍ത്തകര്‍ക്ക് കൃത്യമായ മറുപടി നല്‍കാനാവും - ഇത് മോഹന്‍ലാലും രഞ്ജിത്തും ഒന്നിക്കുന്ന സിനിമയാണ്. ഇതിന് ചെലവ് ഒരു വിഷയമേ അല്ല!
12 കോടിയോ അതില്‍ കൂടുതലോ ആയാലും ഒരു പ്രശ്നവുമില്ല എന്ന് അവര്‍ ധൈര്യപൂര്‍വം പറയാന്‍ കാരണം എന്തായിരിക്കും? അത് അടുത്ത പേജില്‍...
അടുത്ത പേജില്‍ - മഞ്ജു വാര്യര്‍ എന്ന രത്നം!
PRO
മോഹന്‍ലാലിനൊപ്പം തന്നെ അമൂല്യമായ മറ്റൊരു രത്നം ഈ ചിത്രത്തിന്‍റെ ഭാഗമാണ്. സാക്ഷാല്‍ മഞ്ജു വാര്യര്‍. ഒരു കോടി രൂപ നല്‍കിയാണ് ആന്‍റണി പെരുമ്പാവൂര്‍ ഈ ചിത്രത്തിലേക്ക് മഞ്ജുവിനെ ക്ഷണിച്ചത് എന്ന് വാര്‍ത്തയുണ്ട്. മഞ്ജു വാര്യരുടെ മടങ്ങിവരവ് ആഘോഷിക്കുന്ന സിനിമയായിരിക്കും ഇത്.
ഓര്‍ക്കുന്നില്ലേ ആറാം തമ്പുരാനും സമ്മര്‍ ഇന്‍ ബേത്‌ലഹേമും? രണ്ടും മോഹന്‍ലാല്‍ - രഞ്ജിത് - മഞ്ജു വാര്യര്‍ ടീം ഒന്നിച്ച സിനിമകള്‍. അതുപോലെയുള്ള ഒരു സിനിമ പിറന്നാല്‍ പിന്നെ ബജറ്റ് ഒരു പ്രശ്നമാകുന്നതെങ്ങനെ? എത്ര കോടി മുടക്കിയാലും മെഗാഹിറ്റാക്കാന്‍ തയ്യാറായി നില്‍ക്കുകയാണ് പ്രേക്ഷകര്‍!
അടുത്ത പേജില്‍ - പൃഥ്വിരാജിന്‍റെ കഥാപാത്രത്തിന് വളര്‍ച്ചയായില്ല!
PRO
മോഹന്‍ലാലും മഞ്ജു വാര്യരും ഒന്നിക്കുന്ന ചിത്രത്തിലേക്ക് രഞ്ജിത് പൃഥ്വിരാജിനെയും ബുക്ക് ചെയ്തത് വലിയ വാര്‍ത്തയായിരുന്നു. കാരൈക്കുടിയില്‍ എത്തിയാണ് പൃഥ്വിരാജിന് ആന്‍റണി പെരുമ്പാവൂര്‍ അഡ്വാന്‍സ് നല്‍കിയത്. എന്നാല്‍ ഈ സിനിമയില്‍ പൃഥ്വിരാജ് ഉണ്ടാകില്ലെന്നും ഇപ്പോള്‍ റിപ്പോര്‍ട്ടുകള്‍ ലഭിക്കുന്നു.
കഥ പൂര്‍ത്തിയായപ്പോള്‍ പൃഥ്വിരാജ് അവതരിപ്പിക്കാനിരുന്ന കഥാപാത്രം വേണ്ടത്ര വളര്‍ന്നിട്ടില്ലെന്ന് മനസിലാക്കി പൃഥ്വിരാജ് ഈ ചിത്രത്തില്‍ വേണ്ട എന്ന് തീരുമാനമുണ്ടായിട്ടുണ്ടെന്നാണ് അറിയുന്നത്. എന്നാല്‍ ഒരുകാര്യവും അന്തിമമായി പറയാന്‍ കഴിയില്ല. ഗംഭീര കഥാപാത്രങ്ങളെ നിഷ്പ്രയാസം സൃഷ്ടിക്കാന്‍ മാത്രം ബലമുള്ള ഒരു തൂലികയാണല്ലോ രഞ്ജിത്തിന്‍റേത്!
