കമ്പനി, രാം ഗോപാല്‍ വര്‍മ കി ആഗ്, തേസ് തുടങ്ങിയ ഹിന്ദി ചിത്രങ്ങള്‍ മോഹന്ലാലിന്റെ കരിയറില്‍ വലിയ നേട്ടമൊന്നുമുണ്ടാക്കിയില്ല. കമ്പനിയിലെ പൊലീസ് കഥാപാത്രം മാത്രം ഇപ്പോഴും ചര്‍ച്ചാവിഷയമാണ്.
എന്തായാലും മോഹന്‍ലാല്‍ പ്രധാന കഥാപാത്രത്തെ അവതരിപ്പിക്കുന്ന മൂന്ന് ഹിന്ദിച്ചിത്രങ്ങള്‍ അണിയറയില്‍ ഒരുങ്ങുന്നു എന്നാണ് റിപ്പോര്‍ട്ട്. ഇതില്‍ ഒന്നില്‍ മോഹന്‍ലാല്‍ റോ ഉദ്യോഗസ്ഥനാണ്. കഥാപാത്രത്തിന്‍റെ പേര് ജീവനാഥന്‍.
‘ക്ലബ് 60’ എന്ന ചിത്രം സംവിധാനം ചെയ്ത സഞ്ജയ് ത്രിപാഠി ഒരുക്കുന്ന ഈ സിനിമ ഒരു ആക്ഷന്‍ ത്രില്ലറാണെന്നാണ് സൂചന.
മോഹന്‍ലാല്‍ പ്രധാന വേഷത്തിലെത്തുന്ന മറ്റ് രണ്ട് ചിത്രങ്ങളുടെ പ്രവര്‍ത്തനങ്ങളും അണിയറയില്‍ പുരോഗമിക്കുന്നു. അതിന്‍റെ വിവരങ്ങള്‍ അടുത്ത പേജില്‍.
അടുത്ത പേജില്‍ - ഒരു ആക്ഷന്‍ എന്‍റര്‍ടെയ്നര്‍ ഒരുങ്ങുന്നു!
PRO
ഖായല്‍ പോലെയുള്ള വമ്പന്‍ ഹിറ്റുകള്‍ സംവിധാനം ചെയ്ത രാജ്കുമാര്‍ സന്തോഷി മോഹന്‍ലാലിനെ നായകനാക്കി ഹിന്ദിയില്‍ ഒരു ആക്ഷന്‍ എന്‍റര്‍ടെയ്നര്‍ ആലോചിക്കുന്നു എന്നാണ് പുതിയ വാര്‍ത്ത. കഥ കേട്ട മോഹന്‍ലാല്‍ സമ്മതം മൂളിയെന്നും അറിയുന്നു.
അടുത്ത പേജില്‍ - മോഹന്‍ലാലിനൊപ്പം ബോളിവുഡിലെ ഒന്നാമന്‍!
PRO
മോഹന്‍ലാലിനൊപ്പം ബോളിവുഡിലെ ഒന്നാം പേരുകാരനായ ആമിര്‍ഖാന്‍ ചേരുന്ന ഒരു പ്രൊജക്ടിന്‍റെ ജോലികള്‍ അണിയറയില്‍ പുരോഗമിക്കുകയാണ്. പ്രിയദര്‍ശന്‍ സംവിധാനം ചെയ്യുന്ന ഈ സിനിമ എയ്ഡ്സ് രോഗത്തിനെതിരെയുള്ള ഒരു സന്ദേശം എന്ന നിലയിലാണ് തയ്യാറാകുന്നത്. ഇത് സാധാരണ രീതിയിലുള്ള ഒരു പ്രിയദര്‍ശന്‍ ചിത്രമായിരിക്കില്ല. കാഞ്ചീവരം പോലെ ഇന്ത്യയ്ക്ക് ലോകത്തിന് മുമ്പില്‍ അവതരിപ്പിക്കാന്‍ തക്ക മേന്‍‌മയുള്ള പ്രൊജക്ടായിരിക്കുമെന്നാണ് സൂചന.
