പടത്തേക്കുറിച്ച് മോശം അഭിപ്രായമുണ്ടാകുക, എന്നാല് അതിനെയെല്ലാം തരണം ചെയ്ത് പടം മെഗാഹിറ്റാവുക. ഇതാണ് ഇപ്പോള് ഭൈരവ എന്ന തമിഴ് സിനിമയ്ക്ക് സംഭവിക്കുന്നത്. വിജയ് നായകനായ ഈ സിനിമയെ എല്ലാ ഭാഗത്തുനിന്നും നിരൂപകര് കീറിമുറിച്ച് വിമര്ശിച്ചു. എന്നാല് ബോക്സോഫീസ് കളക്ഷനെ ഇതൊന്നും തീരെ ബാധിച്ചിട്ടില്ല.
തുപ്പാക്കി, കത്തി, തെരി എന്നീ വിജയ് ചിത്രങ്ങളാണ് മുമ്പ് 100 കോടി ക്ലബില് ഇടം പിടിച്ചിട്ടുള്ളത്. ആ സിനിമകളുടെ അടുത്തെങ്ങും ക്വാളിറ്റി കൊണ്ട് എത്താനായില്ലെങ്കിലും കളക്ഷന് കൊണ്ട് അവയ്ക്കൊപ്പം നില്ക്കാന് ഭരതന് സംവിധാനം ചെയ്ത ഈ മസാല സിനിമയ്ക്ക് കഴിഞ്ഞു.