തള്ളിപ്പോകാതെ...എന്നെയും... തള്ളിപ്പോകാന്‍ പറയാതെ....!

‘അച്ചം എന്‍‌പത് മഡമൈയഡാ’ ഗൌതം വാസുദേവ് മേനോന്‍ സംവിധാനം ചെയ്യുന്ന പുതിയ സിനിമയാണ്. ചിമ്പുവാണ് ചിത്രത്തിലെ നായകന്‍. മലയാളത്തിന്‍റെ മഞ്ജിമ മോഹന്‍ നായികയും.

ബീപ് സോംഗിലൂടെ പുലിവാല് പിടിച്ചിരിക്കുന്ന എസ് ടി ആറിന് തമിഴ് സിനിമയിലേക്കുള്ള തിരിച്ചുവരവിന്‍റെ ഏക പ്രതീക്ഷയാണ് ഈ സിനിമ. എന്തായാലും ചിത്രം ഗംഭീരമാകുമെന്നുറപ്പ്. ‘വിണ്ണൈത്താണ്ടി വരുവായാ’ മാജിക് റിപ്പീറ്റ് ചെയ്യുമെന്ന് ട്രെയിലറും ടീസറും ഗാനങ്ങളും ഉറപ്പുനല്‍കുന്നു.

എ ആര്‍ റഹ്‌മാനാണ് സംഗീതം. “തള്ളിപ്പോകാതെ...എന്നെയും... തള്ളിപ്പോക സൊല്ലാതെ...” എന്ന പാട്ടിന്‍റെ പശ്ചാത്തലത്തിലുള്ള ട്രെയിലര്‍ സൂപ്പര്‍ അഭിപ്രായമാണ് നേടുന്നത്. 

ഡാന്‍ മക്കാര്‍ത്തര്‍ ഛായാഗ്രഹണം നിര്‍വഹിച്ചിരിക്കുന്ന ‘അച്ചം എന്‍‌പത് മഡമൈയഡാ’ ഗൌതം മേനോന്‍റെ ഫോട്ടോണ്‍ കഥാസ് തന്നെയാണ് നിര്‍മ്മിച്ചിരിക്കുന്നത്.