ഇതും ‘ചാര്‍ലി’യാണ്! ദുല്‍ക്കര്‍ ആരാധകര്‍ ട്രോളിക്കൊല്ലുന്നു!
വ്യാഴം, 2 നവം‌ബര്‍ 2017 (16:35 IST)
‘ചാര്‍ലി’ എന്ന സിനിമ മലയാളികള്‍ക്ക് പുതിയ അനുഭവം സമ്മാനിച്ച ചിത്രമാണ്. മാര്‍ട്ടിന്‍ പ്രക്കാട്ട് സംവിധാനം ചെയ്ത ആ സിനിമയില്‍ ചാര്‍ലിയായി ദുല്‍ക്കര്‍ സല്‍മാനും ടെസയായി പാര്‍വതിയും നടത്തിയ പ്രകടനം മലയാളികളുടെ മനസില്‍ എന്നും നിലനില്‍ക്കും.
എന്തായാലും ദുല്‍ക്കറിന്‍റെ ചാര്‍ലിയുടെ മറാത്തി റീമേക്ക് തയ്യാറായിവരികയാണ്. ‘ദേവാ ചി മായാ’ എന്നാണ് ചിത്രത്തിന് പേര്. അങ്കുഷ് ചൌധരിയാണ് ചാര്‍ലിയായി വരുന്നത്. ചാര്‍ലിക്ക് പകരം ദേവ എന്നാണ് നായക കഥാപാത്രത്തിന് പേര്.
പ്രേമത്തിന്‍റെ തെലുങ്ക് പതിപ്പിന് മലയാളികളില്‍ നിന്നുണ്ടായ ട്രോള്‍ അറ്റാക്ക് തന്നെയാണ് ചാര്‍ലിയുടെ മറാത്തി ടീസറിനുനേരെയും ഉണ്ടാകുന്നത്. ദുല്‍ക്കറിനെയും അങ്കുഷ് ചൌധരിയെയുമാണ് പ്രധാനമായും താരതമ്യം ചെയ്യുന്നത്.
മുരളി നല്ലപ്പ സംവിധാനം ചെയ്ത ദേവ ചി മായാ ഡിസംബര്‍ ഒന്നിന് പ്രദര്‍ശനത്തിനെത്തും. അധികം വൈകാതെ തന്നെ ചാര്‍ലിയുടെ തമിഴ് പതിപ്പും യാഥാര്‍ത്ഥ്യമാകും. മാധവനും സായ് പല്ലവിയും ജോഡിയാകുന്ന ആ സിനിമ സംവിധാനം ചെയ്യുന്നത് എ എല്‍ വിജയ് ആണ്.
