അണിയറില്‍ ഒരുങ്ങുന്നത് മറ്റൊരു സസ്പെന്‍സ് ത്രില്ലര്‍ ! ഗ്രേറ്റ് ഫാദര്‍ തരംഗം ആവര്‍ത്തിക്കാന്‍ മമ്മൂട്ടി

മമ്മൂട്ടി വീണ്ടുമൊരു പുതുമുഖ സംവിധായകനൊപ്പം ഒന്നിക്കുകയാണ്. ഛായാഗ്രാഹകനായ ശാംദത്ത് സംവിധാനം ചെയ്ത സ്ട്രീറ്റ് ലൈറ്റ് എന്ന സിനിമയ്ക്ക് പിന്നാലെയാണ് പരസ്യ രംഗത്തുള്ള ശരത് സന്ദിത് സംവിധാനം ചെയ്യുന്ന മറ്റൊരു ത്രില്ലറില്‍ മമ്മൂട്ടി നായകനാകുന്നത്.

ചിത്രത്തിന്റെ ഷൂട്ടിംഗ് ബെംഗളൂരുവില്‍ തുടങ്ങിയി. യഥാര്‍ത്ഥ സംഭവങ്ങളെ അടിസ്ഥാനമാക്കി തയാറാക്കുന്ന ഈ ചിത്രം വ്യത്യസ്ത ട്രീറ്റ്‌മെന്റാണ് പരീക്ഷിക്കുന്നതെന്നാണ്  സിനിമാവൃത്തങ്ങള്‍ ന്നല്‍കുന്ന സൂചന. 25 ദിവസം ബംഗളൂരുവില്‍ ചിത്രീകരിക്കുന്ന സിനിമയുടെ പ്രധാന ഭാഗങ്ങള്‍ ജയിലിനകത്തുവച്ചാണ് നടക്കുന്നത്.

മിയാ ജോര്‍ജ്ജാണ് ഈ ചിത്രത്തിലെ ഒരു നായിക. രണ്ട് നായികമാരാണ് സിനിമയില്‍ ഉള്ളതെന്നാണ് റിപ്പോര്‍ട്ടുകള്‍. ശ്യാംധര്‍ സംവിധാനം ചെയ്യുന്ന സിനിമ, അജയ് വാസുദേവിന്റെ മാസ്റ്റര്‍ പീസ്, രാം സംവിധാനം ചെയ്ത തമിഴ് ചിത്രം പേരന്‍പ് എന്നിവയാണ് മമ്മൂട്ടിയുടെ പുറത്തിറങ്ങാനുള്ള സിനിമകള്‍.

ദ ഗ്രേറ്റ് ഫാദര്‍ എന്ന ചിത്രം അമ്പത് കോടി എന്ന കളക്ഷന്‍ നേടിയതോടേയാണ് മമ്മൂട്ടിക്ക് ഏറെ നാളത്തെ ഇടവേളയ്ക്ക് ശേഷം മികച്ച വിജയം ലഭിച്ചത്. ദ ഗ്രേറ്റ് ഫാദറിന് പിന്നാലെയാണ് ത്രില്ലര്‍ സ്വഭാവമുള്ള രണ്ട് സിനിമകള്‍ തുടര്‍ച്ചയായി മമ്മൂട്ടി ഏറ്റെടുത്തിരിക്കുന്നത്.