അമല്‍ നീരദ് സംവിധാനം ചെയ്യുന്ന പുതിയ സിനിമയ്ക്ക് ‘സി ഐ എ’ എന്ന് പേരിട്ടു. ‘കോമ്രേഡ് ഇന്‍ അമേരിക്ക’ എന്നതിന്‍റെ ചുരുക്കെഴുത്താണ് സി ഐ എ. അജി മാത്യു എന്ന നായക കഥാപാത്രത്തെ അവതരിപ്പിക്കുന്നത് ദുല്‍ക്കര്‍ സല്‍മാന്‍.
രണദിവെ ക്യാമറ ചലിപ്പിക്കുന്ന സിനിമയ്ക്ക് ഗോപി സുന്ദറാണ് സംഗീതം. അമല്‍ നീരദും അന്‍‌വര്‍ റഷീദും ചേര്‍ന്നാണ് സി ഐ എ നിര്‍മ്മിച്ചിരിക്കുന്നത്. വിഷുവിന് ചിത്രം പ്രദര്‍ശനത്തിനെത്തും. യു എസ് - മെക്സിക്കോ രംഗങ്ങളായിരിക്കും ഈ സിനിമയുടെ ഹൈലൈറ്റ്.
ഷിബിന്‍ ഫ്രാന്‍സിസ് തിരക്കഥയെഴുതിയിരിക്കുന്ന ചിത്രത്തില്‍ കാര്‍ത്തിക മുരളീധരനാണ് നായിക. ജോണ്‍ വിജയ്, സൌബിന്‍ ഷാഹിര്‍, ജിനു ജോസഫ് തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.
അമല്‍ നീരദ് സംവിധാനം ചെയ്ത കുള്ളന്‍റെ ഭാര്യ എന്ന ലഘുചിത്രത്തില്‍ ദുല്‍ക്കര്‍ നേരത്തേ അഭിനയിച്ചിട്ടുണ്ട്. സി ഐ എ ഇതുവരെയുള്ള അമല്‍ നീരദ് സിനിമകളില്‍ നിന്നെല്ലാം വ്യത്യസ്തമായിരിക്കുമെന്നാണ് റിപ്പോര്‍ട്ടുകള്‍.
